BNG Arzúa

SEGUÍMOS ATENDENDO AOS NOSOS MAIORES

2011-05-02T12:46:00.004+01:00

Foron máis de 1200 os veciños e veciñas de Arzúa de máis de 65 que se reuniron para ter uns momentos de lecer, xa que desde o BNG sempre entendemos que o "comedor sobre rodas" a mellora da axuda axuda a domicilio, os parques biosaúdables e todas as accións e actividades que se celebran durante todo o ano no noso Concello, é bo rematen cunha exitosa festa coma esta, que serve de recoñecemento a quen colaborou a que Arzúa sexa hoxe o que é.

A xornada resultou todo un éxito, ás 12 do mediodía tivemos un fermoso concerto da Banda de Música de Arzúa, unha hora máis tarde escoitaron a misa e o pregón de benvida. Dona Rosa Castro, quixo lembrar a D. Luis Cascón, unha das persoas que "máis ten loitado polo bo funcionamento do clube de xubilados".

Tamén o alcalde de Arzúa, Xaquín García, se dirixiu a todos os presentes para facerlles saber que eles son unha peza clave do traballo do seu goberno durante todos estes anos e lembrou a importancia que o benestar social e a calidade de vida das persoas maiores ten en cada unha das iniciativas que se levan a cabo.

Os homenaxeados deste ano foron Dona Celsa Lareo Lamas, residente na Rúa Baltasar Pardal, de 97 anos, que recibiu unha fermosa figura de Sargadelos de man do alcalde, Xaquín García e D. Emilio Garea Ares, domiciliado na Rúa Alcalde Juan Vidal, con 91 anos de idade que recibíu un agasllo da concelleira de Benestar Social, Aurora Varela.

Despois de xantar e bailar repartironse entre os presentes 19 vales canxeables por unha cea ou comida nas casas de turismo rural e restaurantes que participaron nesta iniciativa.

Ao final da xornada os maiores de Arzúa amosaron a súa ledicia por ter desfrutado dun exquisito banquete e dunha conversa agradable e proveitosa o cal nos alegra moito.

NEGRO SOBRE BRANCO DO QUE ESTÁ A PASAR

2011-04-28T12:15:00.004+01:00

Ante a insidiosa e fraudulenta campaña do PP, cremos que de forma sintética, cómpre sinalar:

* O PP foi quen consentiu, alentou e promoveu o delito estando no goberno municipal de Arzúa. Foi o entón Goberno municipal do PP o que permitiu e abeirou a construción ilegal dun andar máis nun edificio.

* Foi o entón Goberno municipal do PP quen non executou a orde de derribo. Foi o PP, por aquel entón no goberno municipal, que non asumiu responsabilidades.

* Foi o Goberno municipal do BNG quen intentou dar cumprida conta das sucesivas ordes de derrubo e que foi imposíbel materialmente executar.

* Foi o PP, agora na oposición, quen a través dunha trapallada legal temeraria e abusiva, pretende apartar ao alcalde, Xaquín García Couso de ser candidato no Concello de Arzúa. Recorre para iso a unha reforma da lei electoral pensada para os casos de terrorismo e de rebelión, coa que se pode inhabilitar a unha persoa sen que haxa unha sentenza firme.

É importante que teñamos coñecemento pormenorizado do que está a acontecer, e que non aceptemos baixo ningún pretexto que isto entra na dinámica de que todos os políticos son iguais.

INFORME CRONOLÓXICO SOBRE A ORDE DE DERRUBO DO 6º ANDAR DUN EDIFICIO EN ARZÚA.

- 04/05/1987: preséntase no Concello o proxecto básico e de execución para a construción dun edificio de vivendas, locais comerciais e garaxe promovido por Don Isidro Pardo Varela e outros, nun solar da súa propiedade sito nas rúas Avda. de Lugo e Dores, que tiña por obxecto a construción dun edificio de planta soto, semisoto, baixo e dúas plantas; solicitando a pertinente licenza municipal.

- 31/10/1987: concesión de licenza pola Comisión de Goberno para proceder á construción dun edificio de planta soto, semisoto, baixo e dúas plantas.

- 30/11/1987: denuncia de Don Maximino Villar Rodríguez por exceder as obras realizadas por Don Isidro Pardo Varela e outros da anchura permitida.

- 04/12/1987: Decreto de alcalde ordenando a Don Isidro Pardo Varela e outros suspender os actos de edificación e demoler as obras en prazo de dez días, por exceder da licenza concedida, baixo apercibimento de execución subsidiaria.

- 05/12/1987: notificación do devandito decreto a Don Isidro.

- 19/12/1987: denuncia dos veciños de Arzúa por exceso de plantas, beirís e volumes en xeral da edificación (na licenza autorizase a construción de tres plantas a partir de ras de solo e o promotor xa ten levantadas cinco).

- 25/03/1988: acordo do Pleno de :

1. posibilitar a legalización da penúltima e antepenúltima planta (4ª e 5ª respectivamente), para cando queden definitivamente aprobadas a Normas Subsidiarias que autorizan unha altura de 5 plantas, previa a presentación dos correspondentes proxectos técnicos de ampliación do que serviu de base para a concesión da licenza e a tramitación do oportuno expediente;

2. paralización das obras que non podan ser legalizadas (6ª planta e voos) con adopción de medidas para garantir a súa suspensión,

3. e de incoar expediente sancionador contra Don Isidro Pardo Varela.

- 13/04/1988: recurso de reposición de Don Maximino Villar Rodríguez contra o acordo do pleno de data 25/03/1988.

- 29/04/1988: recurso de reposición de Don Isidro Pardo Varela contra el acordo do pleno de data 25/03/1988. 2

- 05/05/19: emisión de informe pola Comisión Informativa de Urbanismo con relación a ditos recursos:

1. proponse a aprobación da penúltima e antepenúltima planta (4ª e 5ª respectivamente) previa tramitación do expediente.

2. proponse a non aprobación da sexta altura por figurar completamente fóra da normativa que urbanística vixente en aquel momento (Normas Complementarias e subsidiarias do planeamento da provincia de A Coruña, aprobadas o 6 de maio de 1977) e no futuro (Normas subsidiarias)

-13/05/1988: acordo pola Comisión de Goberno de :

1. desestimar a petición formulada por Don Isidro Pardo Varela e Don Jesús Antonio Bendaña Martínez, en canto á concesión de licenza municipal para a 6ª planta.

2. que se continúe coa tramitación necesaria en canto á aprobación da penúltima e antepenúltima planta.

- Interposición de recurso contencioso-administrativo nº 842/88 por Don Maximino Villar Rodríguez contra a desestimación do recurso de reposición deducido contra o acordo do Pleno de data 25/03/1988 sobre concesión de prazo para instar a legalización das obras.

- 9/07/1991: Sentencia do TSXG nº 596 de 29 de xullo de 1991, estimando o recurso contencioso-administrativo nº 842/88 interposto por Don Maximino Villar Rodríguez. A normativa que se debe aplicar son as Normas Complementarias e subsidiarias do planeamento da provincia de A Coruña, aprobadas o 6 de maio de 1977. Ordénase a demolición do construído en exceso fora da 1ª licenza outorgada; nulidade dos acordos do Pleno sobre concesión de prazo para instar a legalización da obra construída en exceso, e por tanto non cabe a legalización da penúltima e antepenúltima plantas en base a unhas futuras Normas subsidiarias do planeamento que permiten esa altura pero que aínda non están aprobadas nin sequera publicadas.

- 15/10/1991: acordo da Comisión de Goberno de esperar a que lle sexa notificada a sentencia firme, para decidir sobre a forma de levar a efecto a execución, instando aos condenados a que soliciten a legalización da penúltima e antepenúltima planta.

- Recurso de apelación nº 1646/91 contra a Sentencia do TSXG nº 596 de 29 de xullo de 1991, estimando o recurso contencioso-administrativo nº 842/88 interposto por Don Maximino Villar Rodríguez.

- 28/11/1991: notificación de decreto requirindo aos promotores da edificación para que en nun prazo de dous meses presenten petición de licenza para poder legalizar a construción da penúltima e antepenúltima planta (non da 6ª, que non se pode legalizar).

- 15/11/1994: presentación de proxecto técnico para legalización do exceso construído.

- 28/02/1997: acordo da Comisión de Goberno de concesión de licenza para legalizar a penúltima e antepenúltima planta.

- 12/11/1997: Sentencia firme do TS, desestimando o recurso de apelación e confirmando a STXG de 29 de xullo de 1991.

- 16/04/1998: solicitude do alcalde ao TSXG sobre a forma de levar a cabo a execución da sentencia. 3

- 09/09/1998: decreto requirindo ao técnico para que aporte o programa de demolición da 6ºª planta e requirindo aos propietarios dos pisos da 6º planta para que aporten seus títulos.

- 24/12/1998: oficio de TSXG comunicando ao alcalde que a execución da sentencia consiste en demoler todo o exceso construído en relación á primeira licenza concedida.

- 06/04/1999: oficio de TSXG requirindo a remisión das Normas subsidiarias do planeamento.

- 13/07/1999: auto do TSXG declarando a inexecución da sentencia no relativo á 4ª e 5ª planta sobre o rasante do edificio.

- 22/10/1999: requirimento do TSXG para dar conta das actuacións realizadas para executar la sentencia.

- 30/11/1999: oficio del TSXG requirindo que se proceda á demolición da sexta planta.

- 05/05/2000: requirimento do alcalde ao servizo de asistencia técnico-urbanística do Concello para que emita informe sobre as posibilidades de legalización da 6ª planta.

- 08/06/2000: requirimento ao alcalde para que de modo inmediato leva a cabo as actuacións de demolición da planta 6ª e baixo cuberta.

- 21/07/2000: requirimento do alcalde aos promotores para que presenten en dous meses proxecto de demolición ou en caso contrario execución subsidiaria polo Concello.

- 28/08/2000: recurso de reposición contra dita resolución por Don Jesús Antonio Bendaña Martínez.

- 21/09/2000: requirimento do TSXG para dar conta das actuacións realizadas para executar la sentencia.

- 15/01/2001: requirimento do TSXG para dar conta das actuacións realizadas para executar la sentencia.

- 26/02/2001: Decreto do alcalde acordando a execución subsidiaria.

- 05/04/2001: aprobación de pregos pola Comisión de Goberno para levar a cabo a demolición.

- 07/04/2001: interposición de recursos de reposición contra decreto de alcaldía acordando la execución subsidiaria polos propietarios dos pisos do inmoble.

- 25/10/2001: requirimento do TSXG para dar conta das actuacións realizadas para executar la sentencia, con posterioridade á aprobación dos pregos.
ALCALDE XAQUÍN GARCÍA COUSO

- 20/06/2003: cédula de citación a Xaquín García Couso para que compareza no xulgado o día 25/06/2003. 4

- 11/07/2003: escrito de Don Maximino Villar Rodríguez ante o TSXG manifestando a negativa ao cumprimento do novo alcalde Xaquín García Couso en escrito de 30 de xuño de 2003, e solicitando á sala que requira ao alcalde para que de conta das actuacións realizadas para executar a sentencia con posterioridade ao 13/10/2000, baixo apercibimento de incorrer en delito de desobediencia; solicitando que se ordene ao concello a inmediata demolición, se impoña ao alcalde multa de 1.500 € reiterable, e se esixa a responsabilidade penal que puidera corresponder.

- 30/09/2003: providencia do TSXG para librar novo exhorto a Xaquín e unir aos autos o escrito presentado por Don Maximino Villar Rodríguez

- 31/10/2003: cédula de citación a Xaquín García Couso para que compareza no xulgado o día 31/10/2003.

- 10/01/2005: providencia do TSXG apercibindo a Xaquín de imposición de multas coercitivas e dedución de testemuña para esixir responsabilidade penal por non executar a sentencia, e para que presente alegacións.

- 25/01/2005: informe técnico sobre a demolición e elaboración de pregos.

- 28/01/2005: informe de intervención; non consta no orzamento a consignación
orzamentaria para a contratación das obras, posibilidade de proceder á confección dun expediente de xeración de créditos, nulidade do procedemento de contratación por inexistencia de crédito adecuado e suficiente no momento en que se pretende a contratación.

- 28/01/2005: aprobación de pregos pola Xunta de Goberno Local.

- 07/02/2005: cédula de citación a Xaquín García Couso para que compareza no xulgado.

- 05/03/2005: alegacións aos pregos polos propietarios dos pisos do inmoble.

- 16/01/2006: requirimento da fiscalía de remisión de copia do expediente.

- 20/12/2005: escrito de Dona Teresa Villar Rivadulla, nos mesmos termos que o de
Don Maximino Villar Rodríguez de data 11/07/2003.

- Petición de informes sobre posible legalización da 6º planta mediante a aprobación do PXOM.

- 02/01/2006: denuncia de Dona Teresa Villar Rivadulla ante a fiscalía.

- 02/02/2006 informe de intervención para deixar constancia de que no proxecto de orzamento para o 2006 si existe partida orzamentaria para acometer a execución subsidiaria.

- 07/02/2006: resolución de alegacións aos pregos pola XGL.

- 02/03/2006: denuncia do fiscal ante o xulgado de Arzúa.

- 03/03/2006: acordo de contratación das obras de demolición pola XGL por procedemento aberto.

- 08/03/2006: solicitude de remisión do expediente polo xulgado de instrucción (Dilixencias previas P.O.136/2006). 5

- 27/03/2006: publicación no BOP do anuncio de contratación das obras de demolición por procedemento aberto.

- 31/03/2006: interposición de recursos de reposición contra acordo da XGL 07/02/2006 e sobre a contratación da obra.

- 7/04/2006: publicación no DOGA do anuncio de contratación das obras de demolición por procedemento aberto.

-16/02/2007: Decreto iniciando de novo a contratación por procedemento negociado ante a falta de presentación de ofertas no procedemento aberto.

- 28/02/2007: acordo da XGL aprobando o prego.

- 17/03/2007: anuncio no BOP de exposición pública dos pregos.

- 13/07/2007: acordo da XGL de contratación das obras.

- 24/08/2007: invitación a tres empresas para participar no procedemento de
contratación, unha das empresas presentou escrito de renuncia, as outras dúas non se presentaron.

- 17/09/2007: cédula de citación a Xaquín García Couso como imputado por delito de desobediencia.

- 18 /01/2010: Celebración xuízo oral

- 08/10/2010: Sentenza nº 400 de 8 de outubro de 2010 do Xulgado do Penal nº 1 da Coruña pola que se inhabilita a Xaquín García Couso á pena de inhabilitación especial para emprego ou cargo público durante o tempo de seis meses.

- 24/02/2011: Notificación da Sentenza (pasaron 13 meses e 6 días desde que houbo o xuízo ata que lle notificaron a Sentenza e 4 meses e 16 días desde que se ditou a Sentenza ata que a notificaron)

-11/03/2011: Presentación Recurso de Apelación diante da Audiencia Provincial da Coruña

CONCLUSIÓNS:

Ao alcalde anterior realízanlle 6 requirimentos, 4 para dar conta das actuacións realizadas, e dous para proceder de modo inmediato á execución da sentencia.
Posteriormente ao penúltimo requirimento de data 15/01/2001, resolve acordar a execución subsidiaria o día 26/02/2001; aprobándose os pregos pola Comisión de Goberno o día 05/04/2001.

O último requirimento é de data 25/10/2001, e con posterioridade a este requirimento non se realiza ningunha actuación polo anterior alcalde, cesando no seu cargo en xuño de 2003.

A Xaquín fánselle 4 requirimentos.

O primeiro requirimento de data 20/06/2003 fáiselle poucos días despois da súa toma de posesión, en concreto 8 días despois, e ten por obxecto dar conta das actuacións realizadas para executar a sentencia, que loxicamente, son actuacións que correspondía ter realizado ao equipo de goberno anterior.

Aínda así o día 11/07/2003, Don Maximino (que resulta ser sogro do anterior alcalde) solicita á Sala que requira ao alcalde para que de conta das actuacións realizadas para executar a sentencia con posterioridade ao 13/10/2000 (que correspondía ter realizado ao equipo de goberno anterior, do seu xenro), baixo apercibimento de incorrer en delito de desobediencia, solicitando que se impoña ao alcalde unha multa de 1.500 €, e que se lle esixa a responsabilidade penal que lle puidera corresponder, algo realmente incrible si temos en conta que nesa data o alcalde non levaba nin sequera 1 mes de mandato.

Desde o ano 97 en que recaeu a sentencia firme do TS ata o 12 de xuño de 2003, en total, 6 anos, o único que se fixo para executar a sentencia polo goberno anterior foi aprobar os pregos de contratación pola Comisión de Goberno.

En menos de tres anos de goberno de Xaquín, desde o 12 de xuño de 2003 ata o 7 de abril de 2006, tramitouse o procedemento de contratación de inicio a fin, pero a demolición non se puido realizar porque ningunha empresa presentou oferta.

Aínda así, a principios do 2007 retomouse de novo a contratación da demolición por procedemento negociado (ante a falta de ofertas no procedemento de contratación anterior), e volveuse tramitar ata o final, ata a invitación a tres empresas para participar no procedemento de contratación o día 24 de agosto de 2007, non sendo posible de novo executar a demolición porque das tres empresas invitadas, unha presentou escrito de renuncia e as outras dúas non se presentaron (logo a opción que quedaba era que o propio alcalde se puxera en persoa a demoler a 6ª planta con pico e pala.....).

Sorprendentemente, o 19 de setembro de 2007, o alcalde recibe cédula de citación como imputado por delito de desobediencia.

O QUE NON DEBEMOS ESQUECER.

1.- A CONDENA É POR DESOBEDIENCIA, é dicir, por negarse a dar o debido cumprimento a unha resolución xudicial. NON É POR MALVERSACIÓN, NIN POR COHECHO, NIN POR TRÁFICO DE INFLUENCIAS, NIN POR DEFRAUDAR, NIN POR CORRUPCIÓN, NIN POR ROUBAR....

2.- A PENA Á QUE CONDENA A SENTENCIA É A MÍNIMA PREVISTA PARA ESE DELITO: 3 MESES DE MULTA E 6 MESES DE INHABILITACIÓN ESPECIAL (a pena prevista para o delito comprende de tres a doce meses de multa e inhabilitación especial para emprego ou cargo público por tempo de seis meses a dous anos).

3.- A SENTENCIA NON É FIRME, os servizos xurídicos xa están traballando no recurso que se vai presentar ante a Audiencia.

4.- RESPETAMOS A SENTENCIA, PERO NON ESTAMOS DE ACORDO CON ELA, en ningún momento se desobedeceu nada, fíxose todo o posible para que dita sentencia puidera ser executada; de feito cando se recibe a citación pola imputación do delito de desobediencia o día 7, o 19 de setembro de 2007, xa se tiñan tramitado polo Concello dous procedementos de contratación para seleccionar á empresa que se fixera cargo da demolición (FEITOS RECOÑECIDOS COMO PROBADOS NA PROPIA SENTENCIA); se non se puido demoler a 6ª planta foi porque en ningún dos dous procedementos houbo ningunha empresa que se presentara para a demolición, algo comprensible, xa que as empresas constructoras o que queren é precisamente construír, non demoler.

5.- Á OBRIGA DE DEMOLER A 6ª PLANTA DERIVA DUNHA SENTENCIA FIRME DO TRIBUNAL SUPREMO DO ANO 1997, como sabedes tomouse posesión o día 12 de xuño de 2003, co que queda claro que isto é un problema que herdamos dun procedemento que se tramitou de principio a fin polo goberno anterior. Foi o anterior goberno o que deixou pasar 6 anos dende a firmeza da sentencia de demolición do Tribunal Supremo sen facer nada; de feito, nin sequera chegaron a aprobar en todo ese tempo a contratación da obra en ningún momento, e, sen embargo, o alcalde a quen se condena é Xaquín.

É curioso que inhabiliten a Xaquín por retrasar a execución da Sentenza de derrubo cando o Xuíz que o inhabilita tarda case 9 meses en ditar a Sentenza desde que se celebrou o xuízo, e máis de 4 meses en notificarlla.

A Casa da Cultura quedase pequena para acoller a presentación da candidatura do BNG

2011-04-19T14:23:00.006+01:00

O noso candidato, Xaquín García foi arroupado polo resto da candidatura que o acompañou no escenario, nun acto no que Mari Carmen Torreiro, número 3 da candidatura foi a encargada de presentar o acto, dándolle paso ao número 2 da lista e actual concelleiro de Cultura, Mocidade, Educación e Normalización Lingüística, José Luis García, quen fixo un extraordinario discurso do traballo do goberno do BNG nos últimos oito anos. José Luis García centrou a súa alocución en lebrar aos asistentes cal era o estado do concello antes da chegada do BNG ao goberno e os logros deste ao fronte do municipio, un cambio notable e para mellor.

A convidada ao acto foi a nacionalista Encarna Otero, ademais de amosarse encantada de visitar Arzúa unha vez máis, fixo un discurso centrado en animar á cidadanía a seguir crendo no proxecto nacionalista, un proxecto diferente, pensado para o progreso e mellora do benestar social, da igualdade entre homes e mulleres...

O último turno foi para Xaquín García, actual alcalde e candidato do BNG ás eleccións de maio. Xaquín García botou man do seu mellor aval, o traballo do seu goberno nestas dúas últimas lexislaturas e fixo un repaso polas actuacións máis salientables conseguidas. Referiuse á aprobación do Plan Xeral de Ordenación Municipal e adicou un apartado especial e central ás parroquias: coidado de pistas e camiños, rehabilitación do seu patrimonio (fontes, lavadoiros...) e salientou un investimento de 1,5 millóns de euros na construcción de centros sociais, que hoxe acaparan todo a actividades social, cultural, lúdica e formativa dos núcleos rurais. Adiantou a próxima instalación de rede wifi en todos os locais sociais para que os veciños e veciñas poidan acceder gratuítamente a internet e informou da colocación de parques biosaudables en todas as parroquias.

Unha das accións que o noso Alcalde destacou foi a completa renovación das instalacións deportivas, o acondicionamento do Centro Sociocultural María Mariño no que hoxe hai biblioteca, local de ensairo, telecentro de comunicación, locais para asociacións...

Non deixou de facer referencia a aquelas melloras que moitas veces non se ven nin son electoralistas, pero que serven para mellorar a calidade de vida, non son outras que ás melloras no medio ambiente: saneamento, depuradora, abastecemento de auga potable...

Un apartado especial foi o que adicou a falar da humanización das rúas e dun proxecto que cambiará para sempre a imaxe de Arzúa, a reurbanización da estrada nacional 547, aproveitou para agradecerlle a Francisco Jorquera, deputado nacionalista en Madrid, o seu apoio para o logro do financiamento preciso para a realización desta actuación, 2 millóns de euros.

En tempos de crise e coas tasas máis altas de paro no noso país, Xaquín García salientou do seu goberno a creación dun Plan Municipal de Investimento para o mantemento do emprego, mediante o cal se contribuiu a manter os índices de emprego no municipio.

O benestar social, a xente maior e as persoas con dificultades foron outras das preocupacións do goberno de Xaquín García, quen salientou que se multiplicou a axuda a domicilio, se contratou unha nova traballadora social e se impulsou o programa de xantar na casa.

De cara ao futuro, Xaquín García avanzou algunha das propostas do seu programa de cara ás vindeiras eleccións, nel destacou a creación dun viveiro de empresas nunha parcela da 2ª fase do polígono industrial onde a xente emprendedora do noso concello poderá formarse de cara ao futuro.

Rematou a súa arenga o candidato do BNG e actual alcalde confiando en que "co noso esforzo, dos militantes e simpatizantes do BNG, xunto coa vosa confianza estou seguro que acadaremos os apoios suficientes para que Arzúa siga camiñando pola senda do futuro e do progreso".

Foi un acto no que se creou un ambiente de ilusión e que de seguro servirá para ilusionar aína máis a toda esa xente que apoia ao BNG no noso concello.

Comparecencia do noso Alcalde polo caso do intento de soborno realizado polo candidato do PP de Arzúa, Armando Cascón.

2011-04-18T12:35:00.003+01:00

Bos días a todos e todas,

Convoco esta rolda de prensa co obxecto de aclarar as informacións e manifestacións que se fixeron públicas nos últimos días, a través dos diversos medios de comunicación, en relación co intento de soborno do candidato do Partido Popular de Arzúa, Armando Cascón, a este Alcalde.

A primeira cuestión que quero deixar moi clara ante todos os veciños e veciñas de Arzúa e dos medios de comunicación aquí presentes é a absoluta legalidade das gravacións da conversa mantida o día 6 de agosto de 2009 co actual candidato do Partido Popular de Arzúa, naquel momento, únicamente, empregado público do Concello.

Manifesto e reitero rotundamente a legalidade das grabacións e quero así desmentir as acusacións de Carlos Negreira, Presidente Provincial do Partido Popular, quen públicamente ten intentado manchar a imaxe deste alcalde falando de gravacións ilícitas. Dígoo por última vez, estas gravacións son completamente legais e non vou permitir que nunca ninguén máis me calumnie públicamente sen que se tomen pola miña parte as medidas legais oportunas.

A segunda cuestión que me trae hoxe aquí, ante vós, é explicar o cómo e o por qué se fixeron estas gravacións. Quero explicalo detalladamente para que os veciños e veciñas de Arzúa saiban que se trata dunha gravación puntual que se fixo necesaria e imprescindible para demostrar un intento de soborno a este alcalde por parte de quen hoxe é candidato do Partido Popular. Con isto quero acalar a quenes malintencionadamente e para desviar a atención duns feitos moi graves pretenden difundir a idea de que este alcalde se dedica a gravar a calquera persoa que entre no seu despacho como se isto fose unha práctica habitual cando é absolutamente falso.

Os feitos remóntanse ao ano 2009, cando se estaba tramitando a relación de postos de traballo do Concello.

Durante a fase de tramitación e de negociacións cos sindicatos D. Armando Cascón Rodríguez suscitou en varias ocasións e por diferentes medios a esixencia dunha mellora retributiva que entendía debería de recoñecerse para o seu posto de traballo que era e é, o de director da radio municipal de Arzúa.

A medida que o expediente avanzaba e ata a súa finalización, o Sr. Cascón Rodríguez foi incrementando progresivamente as súas esixencias ata o punto de facerme chegar informalmente certos plantexamentos que pasaban por utilizar a radio municipal, e o seu papel como director da emisora, como moeda de cambio das súas pretensións económicas. En definitiva, como xa todos vostedes saberán, do que se trataba era de advertirme de que si non aceptaba as súas pretensións poría a radio local na miña contra, mentres que si as aceptaba, comprometíase a favorecerme a min e ao meu goberno, concretando dito compromiso nun folio e medio escrito a ordenador no que se resumían as condicións dunha posible colaboración.

Ante esa situación e posto que o Sr. Cascón Rodríguez seguía insistindo no seu plantexamento de vincular a forma de exercer o seu cargo coa resposta as súas pretensións económicas, cursei as consultas pertinentes co avogado asesor do Concello que hoxe me acompaña e quen me aconsellou darlle ao Sr. Cascón Rodríguez a cita que tan reiteradamente solicitaba, previa a contratación dos servicios dun detective privado co fin de gravar a entrevista.

A estes efectos contratei os servicios dun detective quen me fixo entrega dun dispositivo gravador.

O resultado da gravación de dito encontro, cos medios facilitados polo detective contratado, supoño que xa é coñecido por vostedes.

A relación de postos de traballo foi finalmente aprobada polo Pleno do Concello sen recoller as pretensións económicas do Sr. Cascón Rodríguez. O que aconteceu a posteriori, tamén é coñecido por todos, se ben quero facer dúas precisións que son importantes para min:

- a primeira, que a intención que se tiña ao realizar aquela gravación era a de proceder por vía disciplinaria contra o citado empregado municipal por entender que a súa actitude era certamente grave e que non debiamos permitir que continuara no seu posto. Se ao final non se fixo nada naquel momento foi por simple benevolencia pola miña parte, convencido de que se lle podía facer moito dano e de que recapacitaría na súa conducta. Pódese dicir que se lle quixo dar unha segunda oportunidade.

- o segundo punto que quero precisar é que recibín o dispositivo gravador o víspera de gravar e fixen entrega del o mesmo día da gravación como así consta no informe que con data 1 de setembro de 2009 emite o profesional, xunto cunha copia do contido íntegro da gravación cunha duración de 32 minutos

Quero deixar claro que se fixen isto foi porque non tiña ningunha outra forma de probar o que a min me parecía un feito gravísimo e detestable.

Xa por último quero informar do terceiro motivo polo que se convocou esta rolda de prensa, quero facer pública a decision de poñer estes feitos en coñecemento do Ministerio Fiscal por se o Ministerio Público entendese que puideran ser constitutivos de delito perseguible de oficio. Esta decisión adóptase despois de ter sido suficientemente meditada, poñendo de manifesto, que o feito desencadéante da mesma non é nin moito menos a proclamación do Sr. Cascón Rodríguez como candidato á alcaldía de Arzúa, senón a recente publicación en prensa de todos estes feitos, e quizais e principalmente, a actitude que toma o propio Sr. Cascón Rodríguez ao ter presentado contra min unha querela criminal no Xulgado de Arzúa ante a decisión de trasladalo temporalmente do seu posto de traballo mentres durase esta situación excepcional na que D. Armando Cascón Rodríguez era ao mesmo tempo candidato dunha formación política a alcaldía de Arzúa e director da emisora de radio pública local (RADIO ARZÚA), máxime tendo en conta todos estes antecedentes.

Nin eu, nin o BNG, somos partidarios de xudicializar a política, como fan outros; agora ben, tampouco debo permanecer impasible ante uns feitos tan graves como os acontecidos. O deber que compete a todos os cidadáns de denunciar calquera feito que puidera ser constitutivo dun delito tamén vai ser cumprido pola miña parte.

O Concello de Arzúa segue desfrutando dunha boa saúde económica

2011-04-17T23:26:00.002+01:00

O BNG dou públicamente conta da liquidación do exercizo do 2010 e da existencia dun remanente de tesourería de 318.000 euros que se destinará á execución de importantes actuacións no municipio.

Arzúa, a 11 de abril de 2011.- A liquidación do orzamento do exercizo 2010 deu un bo resultado en Arzúa, xa que se producíu un aforro neto de 196.539,48 euros e os ingresos foron superiores aos gastos nun total de 316.000 euros. Os números indican que o goberno municipal do BNG foi capaz de realizar unha extraordinaria xestión económica que sigue a tónica dos últimos exercizos e que ten permitido situar ao noso como un dos concellos máis saneados e mellor xestionados do país. O volumen de endebedamente sitúase no 37 %, xusto na metade do límite de endebedamento permitido, o que sen dúbida é unha boa noticia nun momento no que a maior parte das economías municipais atravesan momentos realmente difíciles.

Consecuencia desa boa xestión económica desenvolta, está previsto destinar máis de 18.000 euros á instalación de internet en banda larga nos locais sociais de todas as parroquias de Arzúa, deste xeito, calquera veciño do rural non só disporá dun local público dende o que acceder gratuitamente a internet senón que terá a posibilidade de contratar o servizo para ter acceso á banda ancha dende o seu domicilio. Trátase dunha iniciativa, que como di o noso Alcalde é “realmente importante e moi necesaria para os veciños e veciñas do rural que por primeira vez van ter a posibilidade real de familiarizarse con internet e coas novas tecnoloxías para aproveitar as súas vantaxes e coñecer as súas utilidades”.

Máis de 70.000 euros destinará o goberno municipal á instalación de parques biosaudables nas parroquias do municipio nunha clara aposta polo incremento do benestar social dos veciños do rural.

Preto de 10.000 euros destinaranse á adquisición de 50 novos suxeita contedores e 20.000 euros á adquisición e renovación das sinais indicativas dos lugares das parroquias así como á sinalización horizontal.

Entendemos tamén desde o BNG que era interesante a instalación de bancos e árbores no campo da festa de Brandeso e o acondicionamento da primeira planta do local social de Dodro (10.413 euros). Tamén está previsto o peche do campo da festa de Viladavil por un importe de 12.842,81 euros.

Á amortización de préstamos destinará o goberno municipal os máis de 25.000 euros procedentes dos recortes salariais indicados polos goberno do Estado aos traballadores municipais e máis de 85.000 euros terán como finalidade o acondicionamento de pistas e camiños rurais.

Máis de 33.000 euros destinaranse ao mantemento e conservación das zonas verdes municipais e unha cantidade similar será a que se invirta na contratación temporal de traballadores, entre eles unha persoa encargada para os traballos de numeración de rúas, outra para atender a oficina de información turística e outras para labores de limpeza viaria.

Xaquín García destacaba esta mañá o importante traballo do seu goberno na consecución dun concello saneado e indicaba que “a nosa boa xestión permite que agora poidamos emprender actuacións tan importantes para todos os veciños, é sen dúbida un logro importantísimo e moi agradecido polas persoas do noso rural”.

A compostaxe unha alternativa moi útil

2011-04-17T23:25:00.001+01:00

35 novas casas participan no programa de compostaxe doméstica impulsado polo BNG desde a Alcaldía e xa son 150 en total

Arzúa, a 11 de abril de 2011.- O Concello de Arzúa leva dende o ano 2007 impulsando un programa de compostaxe doméstica en colaboración con Amigos da Terra. A pasada semana entregáronse 35 novos composteiros a outras tantas familias do municipio, que recibiron unha pequena formación para o uso do composteiro e as súas utilidades da man dun experto desta asociación.

Esta colaboración entre o concello e os cidadáns esta contribuindo á reducción do lixo que se xera no fogar e que neste caso se convertirá nun bo abono ecolóxico para a horta ou o xardín e por outra parte, unha bonificación dun 20% no recibo do lixo que se deberá solicitar no Concello para que se lle faga efectiva.

Pero non todo son cartos, xa que se calcula que o 40% do lixo que xeramos podese reciclar no composteiro, moito mellor nos iría en Galiza si se optase por iniciativas como as que estamos a demostrar que son viables en Arzúa desde o ano 2007 no que somos un exemplo do interese que esta actividade esperta entre a poboación, sin os colaboradores esta iniciativa non tería exito.

O compromiso coas parroquias é claro

2011-04-17T23:21:00.002+01:00

Invertimos preto de 400.000 euros no acondicionamento de viais no municipio tanto no casco urbano coma no rural

Arzúa, a 6 de abril de 2011.- Coa leal axuda da Deputación da Coruña serán 382.680 euros os que se destinarán ao acondicionamento de diversas vías de comunicación, tanto na zona urbana do municipio como en numerosas parroquias da zona rural.

No casco urbano, serán as rúas Basilio Carril onde eliminaremos a gran cantidade de baches existente e a Rúa do Viso que dará continuidade ao do tramo que xa está acondicionado, facendo unha acturaión integral e de futuro.

Unha importante parte deste orzamento irá destinado ás parroquias, así, o acondicionamento do camiño interior en Tronceda A Nova así como o acceso á aldea de Abaixo nesta mesma parroquia. En Branzá acondicionarase o camiño de vai da Pena ao cruce dos Catro Ventos. No caso de Maroxo, actuarase no camiño de Souto da Cal a Vilar e no que conduce de Fonte da Vila-Penedo-Vilar. Arranxarase, tamén, un camiño no Outeiro (Boente) e outro na Castañeda, o que conduce dende a Pena ata o límite co Concello de Melide.

Rendal e Santa María serán outras das parroquias nas que se vai proceder ao adecentamento dalgún dos seus viais; no caso de Rendal será o camiño que conduce da Praia fluvial a Ribadiso e en Santa María o que vai do Chinelo a Agra da Tosta, tamén aquí se actuará sobre un camiño do núcleo de San Salvador.

Estas actuacións seguen a demostrar a grande diferencia na xestión desde que o BNG chegou á alcaldía, xa que as vías de comunicación do rural contan agora cunha atención coma nunca tiveron.

O Alcalde de Arzúa urxe a concentración parcelaria de Vilantime

2011-04-17T23:10:00.004+01:00

Iniciamos de novo a actividade neste espazo de comunicación, esperamos servos de utilidade.

Arzúa, 1 de abril de 2011.- Como todos vós sabedes unha vez que se aprobou definitivamente o estudo informativo da autovía e de que se publicara o anuncio no BOE o 11 de xaneiro, desde o concello remitiron varios escritos a diversos organismos da Xunta para que axilicen a concentración parcelaria de Vilantime.

O alcalde e varios veciños afectados entravistáronse co Xefe Territorial de Medio Rural quen, daquela, se excusou na necesidade de que o Ministerio de Fomento definise o trazado da autovía, e tan pronto soubemos o trazado da autovía o 15 de marzo remitimos un escrito ao Delegado da Xunta de Galicia, Diego Calvo, ao Conselleiro de Medio Rural, ao Xefe Territorial e ao Director Xeral de Desenvolvemento Rural.

Xaquín García compormetíuse cons veciños a apoialos na petición á Xunta de que comece canto antes a contratación dos camiños nunha das zonas con maior actividade gandeira e agrícola de todo o municipio, seguimos esperando.

Tamén lamentamos que o Ministerio de Fomento non tivera en conta dúas importantes alegacións formuladas no seu día polo Pleno da Corporación Municipal de Arzúa. Unha era a construcción dun viaducto que salvara o Río Ladrón, na parroquia de Burres, coa finalidade de minimizar o impacto ambiental e manter os servizos que existen hoxe. Outra das alegacións era a petición de crear unha terceira saída da autovía na estrada que conduce de Vilantime á Castañeda para dar así servizo a todos os veciños desta zona e aos do veciño concello de Santiso. O noso alcalde lamentaba esta mañá que non se tiveran en conta “as nosas peticións pois, sen dúbida, suporían unha mellora considerable no servizo que se lle vai ofrecer aos nosos veciños e veciñas”.

Sobre a futura Lei do Solo

2010-04-07T17:56:00.002+01:00

O BNG de Arzúa, a través do seu responsábel, Inacio García, insistiu esta mañá na necesidade inminente de que a Consellería de Cultura proceda á delimitación do Camiño Francés ao seu paso polo Concello de Arzúa, como paso previo e imprescindible para poder adaptar o Plan Xeral de Ordenación Municipal á nova Lei do Solo de Galiza que entrerá en vigor a finais deste mes e que non é máis que unha modificación da anterior lei aprobada polo Partido Popular no ano 2002.

O responsábel local do BNG sae así ao paso das declaracións efectuadas estes días polo Partido Popular nas que reclamaba a adaptación do Plan Xeral de Arzúa aos cambios que ofrece a reforma da Lei do Solo. Resulta certamente desconcertante a premura do Partido Popular cando a nova lei aínda non entrou en vigor e cando se descoñece o modo no que pode beneficiar ou perxudicar os intereses dos nosos veciños e veciñas.

Desde o BNG entendemos que o fundamental para poder adaptar un Plan a unha nova lei, é que éste exista e en Arzúa, ao contrario que en moitos outros concellos “temos un plan aprobado grazas ao empeño do goberno municipal e a pesar de tantas trabas postas no seu día polo PP”.

O BNG entende que todo isto non vén máis que a recoñecer que o PXOM de Arzúa se elaborou cumprindo estrictamente coa legalidade e cos criterios marcados pola lei.

O que resulta paradóxico é a présa do PP en que o Plan Xeral se adapte á súa nova lei e o pouco interese que, sen embargo, amosa en darlle curso a outros asuntos de vital importancia como é o caso da aprobación da delimitación do Camiño de Santiago, que xa debería ter entrado en vigor no ano 98.

Para o BNG de Arzúa resulta “absolutamente imprescindíbel que a Xunta de Galiza aprobe definitivamente o Plan Especial de Protección e Promoción do Camiño de Santiago e o expediente de delimitación do Camiño”. Segundo explicou Inacio García, só unha vez que a Xunta proceda a dita delimitación será posíbel empezar a falar de modificacións no Plan Xeral dado que un dos asuntos máis complexos para a aprobación deste documento foi precisamente o feito de carecer dunha delimitación do camiño que en Arzúa afecta a un total de oito parroquias: Boente, A Castañeda, Figueiroa, Rendal, Santa María, Arzúa, Lema e Burres.

Cando en Arzúa se elaborou e aprobou o Plan Xeral de Ordenación Municipal, o goberno municipal viuse obrigado a marcar a traza delimitada na Resolución da Dirección Xeral de Patrimonio Histórico do ano 1992, tal como obrigada a Lei de Protección dos Camiños de Santiago aínda que esta traza non correspondese nalgún tramo coa sinalada na práctica polo Xacobeo e todo isto pola desidia do actual goberno da Xunta en avanzar nos traballos de delimitación do camiño unha vez que a labor de información e estudo do territorio así como a realización da cartografía, traballos necesarios para a aprobación da súa delimitación, xa quedaran concluídos no anterior goberno bipartito da Xunta de Galiza mediante un investimento superior ao millón de euros.

O BNG de Arzúa entende que a axilización dos trámites que permitan delimitar o Camiño de Santiago ao seu paso por Arzúa así como o seu territorio histórico é unha cuestión “fundamental e urxente á que se lle debe dar resposta coa maior prontitude porque ademais simplificaría de maneira notable os trámites para a obtención de licenzas de obra nas parroquias afectadas”.

En canto o actual goberno da Xunta aprobe a delimitación do Camiño e o correspondente Plan Especial, o BNG de Arzúa entende que “o goberno municipal non porá ningunha traba para a incorporación da traza do Camiño de Santiago que se concrete nese procedemento ao igual que incorporará as determinacións que estableza o Plan Especial no correspondente Plan Xeral e que afecta en Arzúa a nada menos que oito parroquias, será aí cando se poida empezar a pensar en adaptar o Plan Xeral á nova lei do solo, unha vez que se teña un coñecemento máis profundo da nova lei, pensada para actuar sobre as áreas creadas ao redor das grandes cidades e con dudosos beneficios para os concellos rurais”.

Desde o BNG queremos aclarar ademais unha cuestión fundamental para os veciños e veciñas de Arzúa; é o feito de que esta nova reforma da lei permite a parcelación nas áreas de expansión dos núcleos rurais sen necesidade de modificar o Plan Xeral, que é unha das cuestións que máis preocupaba e afectaba aos veciños e veciñas das nosas parroquias.

No caso dos núcleos rurais a nova delimitación pode perxudicar máis que beneficiar a moitos deles e de feito, cómpre non esquecer que no Concello de Arzúa, grazas ao Plan Xeral, xa están delimitados 220 núcleos rurais nos que se poden construir viviendas. Éstes non existirían se o PXOM non estivese aprobado.

O BNG de Arzúa quere, finalmente, convidar a todos os veciños e veciñas a unha última reflexión: se a nova lei do solo tivese tantos beneficios como nos queren facer crer que ten, algúns concellos que recentemente aprobaron os seus Plans Xerais pola lei anterior, ¿non agardarían a que entrase en vigo esta nova? Se non o fixeron será por algo.

Nota arredor da estrada a Corredoiras.

2009-11-17T14:38:00.002Z

O Goberno Municipal de Arzúa considera que xa era hora de que o Goberno do Partido Popular na Xunta de Galiza arranxara “a chapuza” que creou na estrada a Corredoiras, á altura do lugar de A Paínza, cando no ano 1995 o Partido Popular arranxou esta estrada deixándoa no estado que actualmente presenta e creando un serio problema para as veciñas e os veciños da parroquia de Viladavil, que xa daquela existían.

O Alcalde de Arzúa congratúlase de que por fin a Xunta de Galiza se decida a poñer solución ao problema creado polo Partido Popular e solicita que as actuacións se fagan coa maior dilixencia e coa menor molestia para os veciños e as veciñas desta parroquia. Así mesmo, dende a Alcaldía de Arzúa, lamentan non ter sido informados desta actuación dun xeito máis institucional e diplomático e o propio Alcalde amosou a súa disposición a colaborar co Goberno da Xunta en todos aqueles asuntos que poidan revertir na mellora da calidade de vida e nos servizos que se lle ofrecen aos nosos veciños e veciñas.

O Alcalde agarda e solicita que o goberno do Partido Popular na Xunta axilice outros asuntos importantes para Arzúa, comprometidos polo anterior goberno bipartito e faltos de dilixencia por parte do actual goberno da Xunta. Asuntos tales como a rehabilitación da casa de correos, o arranxo dos camiños de servizo na estrada que conduce a Portodemouros e a búsqueda de solucións aos problemas de moitos afectados, a concentración parcelaria de Vilantime e Burres ou mesmo a reurbanización das Rúas do Carme e Cima do Lugar.

Desmentindo rumores.

2009-11-15T18:49:00.004Z

Ante o ruxe ruxe que se está dando na nosa vila, motivado por afirmacións na rúa e na rede, co único pretexto de desgastar ao goberno municipal de Arzúa baseándose unha vez máis en mentiras manifestas, desde o BNG queremos desmentir que baixo ningún concepto, o actual goberno municipal do noso Concello ten pensado instalar a chamada "zona azul" nen ningun outro tipo de taxa que teña como obxectivo cobrar por estacionar un vehículo nas rúas arzuanas. Queremos sinalar tamén, mais unha vez, o que desde aquí vimos denunciando xa desde tempo atrás; que a oposición en Arzúa, nomeadamente o Partido Popular e os seus simpatizantes, non dubidan en utilizar todo tipo de manipulacións, mentiras, e rumoroloxía co único fin de facer a máis suxa oposición que recordamos os veciños e veciñas de Arzúa, neste caso, co único fin de desviar o tema en cuestión, do que xa dimos conta nesta web; que grazas ao goberno do BNG no Concello, e grazas aos deputados do BNG en Madrid, Arzúa recibirá destes orzamentos estatais a cantidade de 2 millóns de euros.

Arquivada a denuncia contra Leonardo Bermúdez

2009-11-14T12:28:00.003Z

Resulta falsa a denuncia por coacción e intimidación presentada contra o Concelleiro de Urbanismo de Arzúa por dous membros da "Plataforma Veciñal"

O Xulgado de Instrucción de Arzúa non atopou ningunha infracción penal nos feitos denunciados por dous veciños de Arzúa, membros da "pataforma" polo que acordou proceder ao arquivo das actuacións.

A xuíza titular do Xulgado de Arzúa arquiva a denuncia, por coacción e intimidación, formulada no pasado mes de setembro por dous dos membros da Plataforma Veciñal do Plan Xeral, contra o Tenente de Alcalde e Concelleiro de Urbanismo de Arzúa, Leonardo Bermúdez.

Segundo se desprende do auto, que non foi recurrido nin pola Fiscalía nin polos propios denunciantes, a xuíza non encontrou ningunha infracción penal nos feitos denunciados polo que procedeu ao arquivo das actuacións.

Evidenciase así que a denuncia formulada por estes dous veciños era falsa e que os feitos denunciados existen únicamente na imaxinación de quen os denuncia xa que en ningún momento o Tenente de Alcalde e Concelleiro de Urbanismo tomou fotografías nin do interior de ningunha vivenda nin de ningún negocio.

Queda así demostrado que a denuncia foi formulada con mala fé e co único obxectivo de desprestixiar e danar a imaxe do BNG, e en particular deste concelleiro xa que non existiu en ningún momento intento algún de coaccionar nin intimidar a ninguén pola súa parte. Así queda posto de manifesto no auto dictado polo Xulgado ao arquivar a denuncia.

O propio concelleiro lamentaba esta mañá que existan persoas que sexan capaces de presentar unha denuncia falsa con tal de desprestixiar políticamente a un membro do goberno e resérvase o dereito a querellarse contra estes dous membros da Plataforma por graves inxurias e calumnias cara a súa persoa.

Co arquivo da denuncia non só se evidencia que os feitos denunciados non respondían á verdade senón que se pon de manifesto a existencia dun intento de coaccionar todas e cada unha das actuacións do Goberno Municipal do BNG por parte de persoas que, como os dous denunciantes, pretenden gobernar desde fóra da política e actuando desde a sombra sen ser elixidos polo pobo.

Queda mais unha vez de manifesto, que esta é a única forma de actuar da oposición en Arzúa. Non queremos deixar pasar esta nova sen recordar que o PP de Arzúa, se fixera eco destas denuncias para afirmar rotundamente que Leonardo "Es responsable de atentar contra el derecho a la intimidad y una intromisión en propiedad privada." (Publicado na páxina do PP de Arzúa o sábado 26 de setembro de 2009 ver aquí. )

25 de Novembro.

2009-11-14T10:55:00.002Z

Contra a violencia de xénero, máis sensibilización, máis medios, máis recursos.
25 de Novembro, día internacional da eliminación da violencia contra as mulleres.

Podes ler o folleto editado polo BNG para tal data nesta ligazón.

2 millóns de euros para Arzúa.

2009-11-14T10:36:00.006Z

O alcalde nacionalista de Arzúa consegue que o Estado destine 2 millóns de euros dos orzamentos á mellora da estrada Nacional 547 ao seu paso polo núcleo urbano da localidade.

Unha enmenda proposta por Xaquín García e defendida polo Deputado do BNG en Madrid, Francisco Jorquera, foi aprobada na Comisión dos Orzamentos.

A Comisión para o debate dos orzamentos do Estado aprobou unha enmenda presentada polo Grupo Político do BNG, a través do Deputado Francisco Jorquera, na que se solicitaba a mellora do estado da Estrada Nacional 547 ao seu paso polo núcleo urbano de Arzúa.

A enmenda partiu dunha petición do Alcalde de Arzúa, Xaquín García, vai permitir que nos orzamentos do Estado se cree unha partida de 2 millóns de euros para a mellora deste tramo de vía urbana.

O Alcalde Xaquín García, sinalou que por fin se vai poder facer realidade unha demanda de moitos dos nosos veciños xa que se trata dunha actuación que mellorará considerablemente non só a imaxe da estrada senón a seguridade da mesma e dos servizos que se prestan nos edificios públicos situados á súa marxe.

Desde o BNG de Arzúa, amosamos tamén a nosa satisfacción. Vemos unha vez máis na práctica o vimos a dicir desde sempre, a Galiza, e neste caso concreto a Arzúa, non lle é indiferente que o nacionalismo galego teña forza en Madrid.

Unha edición máis de Terr@ctiva!

2009-10-07T10:56:00.002+01:00

A vindeira edición de Terractiva está a piques de dar comezo, cun amplo programa que incluirá máis de medio centenar de postos.

Un gran mercado onde atoparemos produtos ecolóxicos, mediciñas alternativas, colectivos sociais, postos de artesanía... ademáis dun amplo catálogo de actividades que incluirá cursos, exposicións, charlas, teatro e obradoiros, co fin de lograr unha maior implicación social coa ecoloxía e o medio ambiente.

Para máis información recomendámosvos visitar: www.terractiva.org

Ante as denuncias da "Plataforma"

2009-09-28T09:24:00.002+01:00

O Bloque Nacionalista Galego de Arzúa sae ao paso das declaracións vertidas nos medios de comunicación por dous membros da denominada Plataforma Veciñal:

Dende o Bloque Nacionalista Galego queremos dicir alto e claro que ningunha persoa do noso grupo político coaccionou nin intimidou a ninguén. Primeiro, porque o BNG sempre renogou deste tipo de prácticas e segundo porque sempre actuamos coa verdade por diante, sen necesidade de atemorizar a ninguén.
O Bloque Nacionalista Galego quere denunciar públicamente o sistema de acoso e derrube ao que os membros da plataforma pretenden someter ao goberno municipal esquecendo unha premisa fundamental, que o goberno foi escollido polo Pobo e polo tanto está conformado por unha serie de persoas elixidas democráticamente; mentres que a Plataforma aínda a día de hoxe non explicou nin tan sequera quenes son as persoas que a representan e que intereses defenden. Polas súas actuacións e sobre todo polas súas acusacións é fácil deducir que non son máis que un apéndice dos grupos da oposición, pero o que é máis grave representan a un grupo de 4 individuos con intereses moi particulares que pretenden exercer a política sen ser políticos, para defender, sobre todo, os seus intereses económicos.
Consideramos que é gravísimo o dano que lle están causando ao pobo de Arzúa, utilizando unha bara de medir de doble raseiro; cómpre que os nosos veciños fagan unha reflexión ao respecto: a plataforma considera que se un membro do BNG saca fotos é un delito e está coaccionando, pero cando é un membro da plataforma o que saca as fotos está simplemente exercendo un dereito fundamental que é a liberdade. Dende o BNG nunca nos cansaremos de insistir en que Arzúa non é ningún pobo oprimido como queren facernos ver e seguiremos demostrando aínda que non lles guste que a liberdade é igual para todos. Con qué dereito acusa a Plataforma aos membros do BNG de coaccionar e intimidar cando son eles os que se cansaron de facer un uso fraudulento dalgúns medios de comunicación, cando se prestan a ser meras comparsas da oposición, cando defenden única e exclusivamente os seus intereses, cando denuncian a particulares, cando toman fotografías de vivendas de veciños que nada teñen que ver coa política…
A liberdade é o que fai igual ás persoas é polo tanto calquera individuo, sexa do Bloque ou non, ten dereitos, os mesmos dereitos que calquera dos membros da Plataforma por moito que a eles lles pese.
Dende o BNG convidamos a esta xente da Plataforma, que se presenta como paradigma da moralidade en Arzúa e tan preocupada está polas obras ilegais, que empece a revisar as dos anos anteriores.
Rematamos, deixando unha pregunta no aire para a reflexión de cada un, se os e as membros da plataforma son tan legais e todas as súas construccións cumpren estricatamente coas normas, por que teñen medo a que algúen lles poida quitar unha foto? Hai algo que esconder?

Entrevista a Xaquín García en Radio Arzúa

2009-09-16T19:25:00.010+01:00

Como xa anunciamos nesta web, o alcalde Xaquín García foi entrevistado en Radio Arzúa para aclarar un tema de tanta actualidade política como é a obra de rehabilitación que se está a levar a cabo en Lema.

Desde o BNG de Arzúa poñemos a entrevista a vosa enteira disposición.

Actualizado (pulsar en "play full song" para comezar a escoitar a entrevista completa)

O PSOE tamén se suma aos métodos do PP

2009-09-16T11:15:00.004+01:00

É ben certo que en Arzúa diferenciar a política que fai o PP da que fai o PSOE cada vez custa máis. As mesmas pancartas, as mesmas campañas, as mesmas posicións no pleno..., e tamén agora o mesmo método de actuación política.

O método da mentira e a manipulación. Desta vez, a través de diversos medios, o partido do veciño compostelano Xabier Pintor, acusa ao goberno de talar 21 salgueiros autóctonos protexidos, de 50 cm de diámetro para construir un lavadoiro. Afirma o PSOE tamén, que esas árbores, son o maior patrimonio que ten esa zona.

O PSOE minte descaradamente: nen se vai facer un lavadoiro, nen os salgueiros son árbores protexidas, e desde logo, hai que ter moita valentía, para calificar de patrimonio unha zona de malezas pola que pasa un rego totalmente abandonado e con árbores cuxo único valor era o de servir de improvisadas estacas naturais.

Desde o BNG de Arzúa queremos denunciar unha vez máis este método de facer oposición ao que nos están xa acostumando o PP e o PSOE (e as súas "plataformas" afíns) baseado na mentira, na crispación e no engano aos veciños e veciñas de Arzúa.

A continuación, as fotos que amosan o que para o PSOE é o maior patrimonio da parroquia de Castañeda:

Xaquín García intervirá en Radio Arzúa para desmentir as acusacións por parte da oposicón

2009-09-15T16:35:00.008+01:00

O Alcalde de Arzúa, Xaquín García, vén de solicitar unha entrevista na Radio Municipal coa finalidade de aclarar o contido de todos os comunicados enviados á emisora polos grupos políticos do Partido Popular e do Partido Socialista. Ante a gravidade das falsas acusacións destas dúas formacións políticas que de maneira abusiva utilizan a radio municipal como portavoz das súas falsedades, o Alcalde solicita intervir na emisora para esclarecer unhas acusacións que carecen de fundamento e que son vertidas dende o máis profundo resentimento por parte dos seus portavoces; de feito é evidente que tanto o PP como o PSOE, ao igual que lle ocorre aos integrantes da Plataforma, só buscan con todo isto o descrédito de quen goberna. Quedará así aclarado que o actual goberno de Arzúa non cometeu ningunha irregularidade, nin urbanística nin de calquera outro calado e tamén se porá de manifesto as verdadeiras intencións que se esconden detrás desta forma tan bochornosa de facer política por parte do PP e do PSOE.

outra mentira máis do PP de Arzúa!

2009-09-09T21:28:00.005+01:00

Parece que o PP de Arzúa lle está collendo gusto a difamar pública e gratuitamente. Neste caso, anunciando na prensa e na súa web a denuncia por unha construcción ilegal. Non lle importa á potavoz deste partido o dano que lle pode causar a terceiros que non teñen ningunha vinculación coa política, máis alá do tan grave delito de ser parente dunha persona do BNG.

Desde o BNG de Arzúa queremos ofrecerlles aos nosos veciños e veciñas, un desmentido e unha explicación do acontecido, que tanta polémica inxustificada puido crear nestes últimos días.

Para comezar, debemos facer fincapé, na ordenanza municipal que regula este tipo de cuestións. Trátase da "ordenanza fiscal reguladora do imposto sobre instalacións, construccións e obras" (que podes consultar íntegramente aquí).
Dita ordenanza, foi aprobada polo goberno do BNG, para evitar a "trampa" que permitía a anterior ordenanza do PP na que o solicitante era quen decidía o que ía a pagar sinalando el o orzamento ao que ascendía a obra.
Esta vennos a dicir que (copiamos texualmente) "Para o cálculo da base impoñible a determinar na autoliquidación, non se terá en conta o presuposto presentado polos interesados enón que será determinada polo Departamento de Urbanismo tomando como referencia o Anexo I desta ordenanza ( módulos vixentes do Colexio Oficial de Arquitectos de Galicia)."

O PP de Arzúa, míntenos unha vez máis, afirmando que a obra corresponde a "el cambio de tejas valorada en 10.000€, cuando en realidad la obra que se está llevando a cabo en una completa rehabilitación de la misma, con vaciado completo interior de la vivienda tal y como se puede apreciar en las fotografías adjuntas."

No documento que axduntamos abaixo podemos apreciar, como o interesado neste caso, paga por unha licenza de rehabilitación e non por un cambio de tellas como nos intentan facer creer desde o PP, así como este paga por unha obra valorada polos técnicos do Concello en 65.178 € e non de 10.000 €.

Licenza de rehabilitación

A hipocresía verde do Partido Popular

2009-09-02T10:34:00.006+01:00

Vimos ao longo destas semanas como o PP de Arzúa montaba en cólera pola obra da recuperación da carballeira da feira. Queríanos facer pensar o PP que se esqueceran de quen asfaltou esa carballeira matando lentamente aos carballos, ou quen fixera unha tala anos atras para facer unha obra ao lado.
Vimos como o PP de Arzúa se convirteu de súpeto no partido abandeirado da ecoloxía.
Tamén, temos que ver, día a día, como o PP pregonea alí a onde vai, sobre a xa famosa austeridade, que se en época de crise, as Administracións deben aforrar todo o posíbel, (aínda que despois se gasten 22.000 en mudarlle o nome ás Galescolas).

O PP, desde a Xunta de Galiza, ven facendo todo o contrario. Dous son os casos que afectan ao noso concello con respecto a estes dous temas.

É ben sabido polos veciños e veciñas que nos últimos anos o Concello de Arzúa, en colaboración coa Xunta de Galiza, puxo en marcha unha iniciativa innovadora que tiña como finalidade a promoción da reciclaxe e a reutilización para o coidado e mellora do medio ambiente; trátase da compostaxe e da distribución de composteiros entre as veciñas e os veciños do municipio.
Sen embargo e a pesar de que dende o Goberno Municipal sempre confiaron en que a reciclaxe e a loita polo coidado do medio non entende de ideoloxías, o certo é que a Consellería de Medio Ambiente, vén de comunicar a denegación da subvención solicitada polo Concello de Arzúa para dar continuidade ao programa de compostaxe que tan boa acollida tivo por parte dos veciños do municipio.

Desde o BNG a decisión adoptada pola Xunta que perxudica aos intereses de todos os nosos veciños impedindo así dar continuidade a unha iniciativa que, ante todo, buscaba o respecto e coidado do medio, sen esquecer que ao mesmo tempo, supón un aforro económico, xa que con este tipo de medidas, redúcense notábelmente os kilos de lixo que hai que transportar.

Por outra banda, e paralelamente a isto, vemos como ao mesmo tempo que o PP prentende ampliar a planta de Sogama (Sociedade Galega do Medio Ambiente), esta decide, unilateralmente non recoller os residuos voluminosos (mobles, colchóns, ... ) dos concellos. Esta medida afecta a todos os concellos do país, tamén a Arzúa. No caso do noso Concello, levar este tipo de residuos a unha planta de xestión privada, suporíalle, aproximadamente tres veces máis que o custo actual de levalo a Sogama. Aínda así, podemos afirmar con rotundidade que o servizo que está a prestar a día de hoxe o Concello, de recollida de voluminosos, seguirá sendo o mesmo, con Sogama ou sen ela. Nos tempos nos que corren, o provábel e que moitos outros concellos se vexan obrigados a retirar este servizo, o que fará que proliferen polo país adiante vertedoiros incontrolados, mais parece que á Consellería de Medio Ambiente iso dalle exactamente igual.

Por este motivo, no último pleno celebrado o luns día 30, o grupo do BNG, presentou ao pleno unha moción de urxencia, instando á Xunta de Galiza a que faga todo o posíbel por garantir o mantemento deste servizo, ou que no seu defecto, que apote unha alternativa viábel, que non supoña un aumento de custes para os Concellos.

Cabe destacar que esta moción, foi aprovada cos votos afirmativos do BNG e do PSdeG-PSOE. Lamentábelmente, o PP de Arzúa, coa súa abstención puxo unha vez máis a súa fidelidade a Feijoo, diante dos intereses do país e dos veciños e veciñas de Arzúa.

A continuación, podes acceder ao texto íntegro da moción presentada premendo nel para aumentalo :

Mocion - voluminosos

Arzúa para ti

2009-08-23T13:37:00.005+01:00

Desde o BNG de Arzúa, queremos parabenizar ao Concello pola innovadora iniciativa "Arzúa para ti". Baixo este lema, a través de diferentes vías, veciños e veciñas de Arzúa convidan ás e aos usuarios de internet a visitar www.arzuaparati.org co amosar as vantaxes que ofrece a nosas vila e o seu atractivo para vir, para vivir e para investir, co obxectivo de atraer poboación e empresas e turismo.

Deste xeito son as mulleres e homes de Arzúa, entre eles o propio alcalde como un veciño máis, as persoas encargadas de promocionar o seu concello. A iniciativa, que promove o Concello de Arzúa como un proxecto común a toda a poboación convenceu pola súa orixinalidade a un bo número de cidadáns decididos a sumarse a ela achegando a súa imaxe e as súas palabras.

Esta iniciativa, innovadora e novidosa, traslada as experiencias vitais e profesionais dunha parella nova que decidiu asentar a súa residencia a Arzúa, dun mozo emprendedor, dunha muller empresaria, dun peregrino, dun hostaleiro, das mulleres da aula de teatro, dun mozo deportista... Así ata preto dunha trintena de veciños e veciñas seguros de que eles poden ser a mellor estratexia publicitaria para convencer a moitas persoas de que Arzúa é o mellor lugar para vivir, para poñer en marcha o seu negocio e para descubrir o seu patrimonio cultural, artístico e natural.

Desde o BNG de Arzúa, non podemos deixar de animarvos a entrar na páxina www.arzuaparati.org e animarvos a que a espalledes na rede para que o maior número de persoas de dentro e fora de Arzúa coñeza de esta iniciativa.

Galiza Nova homenaxea a Ánxel Casal

2009-08-19T15:59:00.004+01:00

Galiza Nova, organización xuvenil do BNG despregou no día de onte na Praza de Galiza unha faixa lembrando o asasinato de Ánxel Casal, militante nacionalista asasinado en Agosto do 1936, polo fascismo español.

Casal naceu o 17 de decembro de 1895. Uniuse á Irmandade da Fala da Coruña, colaborou no Conservatorio de Arte Galega e foi o promotor e primeiro mestre da Escola do ensino galego (galeguista e laica) das Irmandades, a primeira que utilizou o galego no ensino.En novembro de 1924, en colaboración con Leandro Carré Alvarellos,fundou a Editorial Lar. Desvencellouse desa iniciativa para fundar en 1927 a Editorial Nós. Da súa imprenta saíron A nosa Terra e a Revista Nós.

Militante desde a súa creación do Partido Galeguista, foi alcalde de Santiago elixido por maioría entre os membros da Comisión xestora desde febreiro de 1936 até o 9 de xullo en que con todos os concelleiros galeguistas dimitirá dos seu cargos. Vicepresidente da deputación Coruñesa e do Comité executivo para o estuatuto de Galiza, desenvolverá unha frenética actividade para conseguir a súa aprobación. Como alcalde impulsará tamém a iniciativa de Álvaro de las Casas para constituír a Asociación de Escritores Galegos. O 16 de xullo entrega nas cortes o texto estatutario aprobado o 28 de xuño. Aló, enteirado das novas golpistas, regresa a Compostela para tratar de impedir o éxito do golpe de estado. Reincorporado o 19, faise cargo da Alcaldía, tratando de organizar a resistencia. Tras o triunfo da sublevación militar do 18 de xullo refuxiouse na parroquia Arzúa de Vilantime. Foi detido o 4 de agosto, e asasinado o 19 de agosto, o seu corpo apareceu xunto ao de José Areosa Devesa nun foxo da estrada de Cacheiras, marcado hoxe cun pequeno monumento.

Casal loitou por Galiza e polas súas xentes, e converteuse en exemplo a seguir polos militantes nacionalistas, por iso toda lembraza á súa persoa é pouca.

Castelao: Moitas veces os mártires crean mundos que os herois nin tansiquera son capaces de concebir. E na Miña Terra complirase a vontade dos mártires.

O PSOE minte sobre a tala de árbores levada a cabo na feira

2009-08-18T22:25:00.002+01:00

Ante as críticas fóra de lugar do grupo politico do PSOE, o goberno municipal de Arzúa quere facer as seguintes aclaracións:

1ª Non é de estrañar esta actitude irresponsábel e vergonzosa do seu Portavoz, Xavier Pintor, que a través da difamación e a mentira intenta confundir ás e aos veciños de Arzúa, criticando calquera actuación do goberno municipal, como fixo coa remodelación das rúas do entorno da feira ou “Alcalde Juan Vidal”, cos locais sociais das parroquias, coas melloras nos tramos da antiga N-547 na Castañeda e Ribadiso, co PXOM ou con calquera outra actuación que beneficie aos e ás veciñas e que levara a cabo o goberno do BNG

2ª Afortunadamente neste caso pódese demostrar que as árbores taladas nin teñen 50 anos, nin son acacias nin carballos. É vergonzoso que un concelleiro portavoz dun grupo municipal, non distinga un carballo centenario dun chopo ou unha acacia, ou polo menos que se informara antes de difamar e mentir. Sorpréndelle esta actuación cando no barrio de Fontiñas donde el reside están eliminando centos de árbores da mesma especie que os que se talaron aquí e con moito mellor porte. Tamén denunciou este señor a tala destas árbores en medio ambiente?

3ª Este Señor afirma que a memoria do proxecto de recuperación da carballeira non incluía a tala de árbores, cando nunca se preocupou por mirar a memoria do proxecto aprobado polo órgano municipal competente que evidentemente si prevé a tala de algunha especie, pero non carballos centenarios nin acacias. Estas ultimas que nin tan sequera existen no entorno da carballeira nin se plantaron nos últimos anos.

4ª Este proxecto non é froito da improvisación senón que se trata dun proxecto pensado para recuperar os carballos centenarios que son os que realmente teñen valor medioambiental e paisaxístico, e ademais foi redactado por unha empresa especializada e agora está sendo executado polo principal especialista en recuperación de carballeiras de Galiza.

5º O portavoz do partido socialista trata de confundir mezclando a oposición que fixo o BNG a tala de carballos centenarios, de gran valor simbólico para Arzúa, con motivo da construcción do novo edificio da feira, coa tala de chopos e plataneiros que se realizou neste momento, que son dous casos incomparábeis, xa que neste caso non se trata de eliminar ningún carballo centenario, senón todo o contrario, pois o que se pretende é recuperar os que se atopan moi degradados polas malas prácticas dos últimos anos.

6ª Tamén hai que recordarlle a este señor que desde que goberna o BNG en Arzúa, tan só no casco urbano prantáronse máis de 125 árbores de distintas especies. É isto actuar en contra do medio ambiente?

7ª Por último, parece que a experiencia nos demostra, a pesares de que as obras son problemáticas durante a súa execución, que o aconsellable é esperar ao seu remate para poder ser criticadas ou polo contrario ser loubadas.

17 de agosto: día da Galiza Mártir

2009-08-17T10:28:00.003+01:00

O 17 de agosto de 1936 foi o día no que Alexandre Bóveda foi asasinado polo fascismo español. Bóveda foi un dos intelectuais nacionalistas máis relevantes da segunda República en Galiza, chegando a ser o motor do Partido Galeguista segundo palabras do propio Castelao.

Desde aquela, o nacionalismo galego, recolle esta data para lembrar a todas as persoas que loitaron e que mesmo deron a vida por opoñerse ao golpe militar fascista, por loitar polos dereitos nacionais de Galiza e por unha vida máis xusta e próspera.

Os e as nacionalistas de Arzúa, non queremos deixar pasar esta data, sen facer unha mención a este día, 17 de agosto, tan sinalado para nós.

Vaia desde aquí, a nosa humilde homenaxe a tódos os mártires da nosa Patria; Alexandre Bóveda, Anxel Casal, Juan Vidal, e tantas e tantos galegas e galegos anónimos.

"moitas veces os mártires crean mundos que os herois nin tansiquera son capaces de concebir.
E na miña Terra complirase a vontade dos mártires." - Castelao.

Polo arranxo no entorno da estrada AC- 905

2009-08-17T10:26:00.003+01:00

O Alcalde de Arzúa, Xaquín García, remitiu hai uns días á Consellería de Medio Ambiente, Territorio e Infraestructuras unha solicitude na que demanda unha serie de melloras naqueles tramos que quedaron fóra do novo trazado da Estrada AC 905 que conduce dende Arzúa ata Vila de Cruces.

No escrito achegado ao Conselleiro popular, Agustín Hernández, o Alcalde insistiu en salientar a necesidade de arranxar coa maior urxencia o mal acondicionamento que, nalgúns casos, se fixo nas proximidades dalgunha das vivendas dos veciños e das veciñas das parroquias que colindan ou son atravesadas por este vial como é o caso de Brandeso cando se levaron a cabo as obras de mellora do trazado e do firme da estrada AC-905 que conduce dende Arzúa ata Vila de Cruces.

O malestar de moitos destes veciños e veciñas foi recollido polo Alcalde, quen lle deu traslado á Consellería para que tome cartas no asunto canto antes.

Desde o Concello tamén se fixo especial fincapé na recuperación e mellora do entorno da Fonte Santa, un enclave paisaxístico de grande valor natural que quedou á marxe do novo trazado e para o que o Alcalde solicitou unha serie de actuacións: rehabilitación do petril e da ponte actual; mellora da accesibilidade e esparcimento no entorno mediante a apertura de novas sendas e habilitación de espazos de recreo; tamén se solicita a reposición do firme que dá acceso ao entorno e a sinalización axeitada desta área.

O Alcalde, Xaquín García, planteou no seu escrito a posibilidade de que os técnicos da Consellería xunto cos propios do Concello elaborasen unha memoria conxunta para executar todas estas actuacións, de xeito especial as que van encamiñadas a mellorar o acceso aos domicilios dos veciños e veciñas da zona por tratarse dunha demanda á que é preciso dar resposta canto antes, xa que se trata de garantirlle aos nosos veciños e veciñas un acceso ás súas vivendas nunhas condicións de comodidade e seguridade.

Desde o Concello de Arzúa tamén se fixo coñecedora á Administración Autonómica da necesidade de acondicionamento da estrada AC-207, no tramo que vai dende o Cruce de Dombodán ata o lugar das Hortas, xa que se trada dun vial de titularidade autonómica que se atopa actualmente nun importante estado de abandono. Xaquín García sinalou tamén que o Concello podería asumir tanto esta vía como os tramos que quedaron fóra do novo trazado da estrada AC-905 unha vez que estean debidamente acondicionados.

Outra mentira máis do PP de Arzúa.

2009-08-08T12:33:00.008+01:00

Unha vez máis, temos que observar como o PP de Arzúa intenta enganar a toda a cidadanía.
Na súa ansia por camuflar o que fai o partido do Señor Feijoo na Xunta de Galiza, desde o PP de Arzúa veñen publicando unha serie de novas relacionadas coas axudas económicas das Consellerías ao Concello.
Non ten nada de malo que un partido publicite o que considere a ben publicitar, pero o que non é ético nin de recibo, é que un partido nos minta a todos e todas as arzuáns con total desvergoña.

Desde algún medio de comunicación, así como desde a súa propia páxina web vimos como o PP de Arzúa afirmaba que (copiamos literalmente) "No que respecta a Arzúa, este ano chegaron para accións de voluntariado un total de 6.856,93 Euros, e dicir 1.586,93 euros máis que no el año 2007 durante el Gobierno del Bipartito."
Desde o BNG de Arzúa, queremos responder a estas mentiras publicando os documentos que así o acreditan.

No 2007, ano que sinalan os populares, 3741 euros, no ano 2009 a cifra é de 3163 euros.
Dende o partido popular afirmaron como xa dixemos, que a cifra ascendía neste 2009 a case 7000 euros, cando a penas pasa dos 3000.

A continuación, podes consultar os documentos que demostran que desde o PP de Arzúa, minten descaradamente.

Axudas a actividades de carácter educativo, cultural e deportivo.

2009-08-05T19:00:00.004+01:00

Polo seu interese, desde o BNG de Arzúa queremos anunciar a convocatoria de axudas a actividades de carácter educativo, cultural e deportivo, dirixidas a entidades sen ánimo de lucro que estean debidamente inscritas no Rexistro Municipal de Asociacións e Entidades do concello.
O Prazo de solicitude remata o 23 de Agosto.
Podes consultar as bases colgadas na páxina web do Concello pinchando aquí.

A Xunta de Feijoo recorta en 66.000 € as axudas para o Grumir de Arzúa

2009-08-05T18:34:00.004+01:00

Unha das promesas electorais do actual presidente da Xunta de Galiza, Alberto Nuñez Feijoo, foi sacar ao noso país da actual crise económica. Pouco máis de cen días despois de entrar a gobernar, vemos como os feitos parecen ser todo o contrario; ao PP non se lle ocorre mellor medida que reducir as axudas aos concellos para manter aos Grupos Municipais de Intervención Rápida, Grumir.

A Consellería de Traballo do PP ven de anunciar ao Concello de Arzúa que este ano recibirá 54.438 euros, fronte aos 120.243 euros que recibiu da Xunta o ano pasado para contratar aos doce efectivos que integran o Grumir de Arzúa.

Sen lugar a dúbidas esta medida reducirá dun xeito drástico as posibilidades de que concellos coma o noso poidan dispoñer a medio prazo dun servizo tan importante coma este.

Desde o BNG de Arzúa queremos expresar a nosa decepción por esta medida incomprensíbel e consideramos que isto supón un síntoma claro de engano á cidadanía e que conleva serias dificultades de cara a que Concellos como Arzúa poidan seguir prestando un servizo que cumpre cunha función básica de cara á prestación de determinados servizos aos veciños e veciñas.
Polo ben de todos e todas, confiamos en que el novo goberno de Feijoo rectifique polo ben dos intereses de Arzúa e se comprometa á conservación destes postos de traballo nunha época de seria fraqueza económica como a que estamos a pasar.

O Goberno de Arzúa urxe de Patrimonio a aprobación do Plan Especial de Protección e a delimitación do Camiño de Santiago

2009-07-27T13:14:00.003+01:00

O Alcalde de Arzúa, Xaquín García, vén de solicitar unha entrevista urxente co Director Xeral de Patrimonio da Xunta de Galiza coa finalidade de tratar dous asuntos de notábel importancia para os intereses dos veciños e veciñas do municipio.

Desde o Concello de Arzúa, o Alcalde nacionalista interesarase por coñecer o estado actual da tramitación para a aprobación definitiva do Plan Especial de Protección e Promoción do Camiño de Santiago e do expediente de delimitación do Camiño, que debe aprobar o organismo autonómico unha vez que os traballos de información e estudo do territorio así como a realización da cartografía xa foran concluídos polo anterior goberno da Xunta.

Esta reunión tería como obxectivo a axilización dos trámites que permitan delimitar o Camiño de Santiago ao seu paso por Arzúa así como o seu territorio histórico, xa que é unha cuestión fundamental e urxente á que se lle debe dar resposta coa maior prontitude.

Por outra banda, en referencia ás discrepancias que teñen xurdido dalgún grupo político da oposición sobre este asunto insistindo en que no Plan Xeral de Arzúa se ten marcado un trazado para o Camiño de Santiago que responde máis a un capricho do noso Goberno que a un imperativo legal, salientar que en realidade é a propia Lei de Protección dos Camiños de Santiago a que establece que nas tramitacións dos Plans Xerais se debe recoller a traza delimitada na Resolución da Dirección Xeral de Patrimonio Histórico de novembro de 1992, como así se fixo no PXOM de Arzúa.

Xaquín García quixo aclarar ademais que en canto o actual goberno da Xunta aprobe a delimitación do camiño e o correspondente Plan Especial, o “goberno municipal do BNG de Arzúa non poñerá ningunha traba para a incorporación da traza do Camiño de Santiago que se concrete nese procedemento ao igual que incorporará as determinacións que estableza o Plan Especial no correspondente Plan Xeral”. Insistiu ademais en que “os trámites seguidos ata o momento no Concello de Arzúa foron os correctos e os establecidos pola Lei e así seguirá sendo”.

Na audiencia solicitada co Director Xeral de Patrimonio da Xunta de Galiza, o Alcalde de Arzúa poñerá sobre a mesa outro asunto que considera “prioritario de cara a facer máis áxil a tramitación de determinados expedientes que se instrúen a instancia dos vecinos e veciñas”; deste xeito plantexará ao departamento autonómico a posibilidade de simplificar os trámites que se deben desenvolver para as denominadas obras menores, coa finalidade de que moitas destas cuestións poidan evitar o seu paso polo departamento de Patrimonio e axilizar así a súa tramitación. Se o departamento autonómico atende o propósito do Alcalde de Arzúa evitariase nalgúns casos máis de tres meses de trámites para determinadas obras como pode ser o retellado ou a colocación de canalóns e baixantes nas edificacións.

Posición do BNG ante a consulta sobre o idioma no ensino

2009-06-12T13:58:00.002+01:00

Dende o BNG de Arzúa queremos manifestar cal é a postura da nosa organización a nivel nacional arredor da consulta que dende o goberno da Xunta se lle está a facer aos pais e nais do estudantado do ensino non universitario:

1.- Estamos perante unha auténtica “consulta trampa”, inaceptábel quer na forma quer no fondo. Con ela non se pretende máis que dotar ao Goberno dunha coartada para xustificar unha política tracexada xa de antemán: o resultado do inquérito está predeterminado e terá como desenlace a derrogación do decreto sobre o uso do galego do ensino. O PP decidiu no seu día afastarse do consenso sobre o galego (Plano Galego de Normalización Lingüística, aprobado por unanimidade polo Parlamento Galego en 2004). Anunciou en campaña a derrogación do decreto e xa no goberno reiterou esa intención. A enquisa tenta lexitimar cun suposto manto de apoio social unha decisión de carácter político tomada antes de chegar ao Goberno e adoptada co único propósito de contentar os sectores máis extremistas do electorado do Partido Popular.

2.- A consulta, que é de carácter voluntario, carece da menor fiabilidade, tanto por como están enunciadas as preguntas como polo feito de que será a Administración, controlada politicamente polo Partido Popular, quen custodie todo o proceso de recolla dos datos. Non existen suficientes garantías de que os resultados non poden ser mesmo manipulados se non fosen do agrado do partido no goberno.

3.- Coa enquisa vaise criar unha tensión innecesaria nos centros de ensino e na propia sociedade galega, innecesaria porque, sexa cal for o resultado do inquérito, o Goberno xa ten anunciado que vai derrogar o decreto nun sentido claramente contrario ao uso da lingua galega no ensino.

4.- Tal e como están enunciadas as preguntas da consulta, todo o máis que poderían demandar os sectores favorábeis ao galego no ensino sería que se mantivese o galego como lingua na que se imparten as materias troncais. En ningún caso se pregunta ás familias se serían partidarias de que o conxunto das materias, e non só as troncais, se impartisen en galego.

Isto significa que coa enquisa os sectores favorábeis á españolización do ensino si poden conseguir avances a respecto da situación actual -reducir a presenza do galego nas troncais-, mentres que aqueles que son partidarios de avanzar na galeguización só poden aspirar a que, como moito, se manteña o actual statu quo, que vén consagrado precisamente polo decreto que o Goberno anunciou que vai derrogar.

5.- O mesmo Goberno que fai proclamas populistas e demagóxicas en favor da austeridade e o control do gasto público vai dilapidar 200.000 euros na realización desta “consulta trampa”, un dispendio impresentábel no actual contexto de precariedade de medios humanos e materiais que caracteriza a situación do ensino público en Galiza.

6.- Por termos en conta as consideracións anteriores, propoñemos marcar a opción “galego” (en Infantil e FP) e “todo en galego” (en Primaria e Secundaria), porque desta maneira estariamos a indicar que queremos en galego as materias que hoxe se deben impartir na nosa lingua, tal e como indica o decreto en vigor. Non significaría, por tanto, que optemos por todo o ensino en galego, pois esta opción non se considera.

7.- Igualmente xulgamos preciso transmitir a nais e pais a necesidade de incluíren no apartado de observacións da enquisa peticións semellantes ás que expresamos a continuación:

Desexaría que o ensino fose en galego, unha opción que non recolle esta enquisa.

Estou a favor da aplicación do decreto actual de promoción e uso do galego no ensino, realizado co consenso da comunidade educativa e que emana do Plan Xeral de Normalización da Lingua Galega, aprobado por unanimidade no Parlamento Galego.

Todo o anterior fai que os resultados desta consulta non me parezan lexítimos.

2009-06-08T14:16:00.000+01:00